Edinson Cavani framherji Manchester United hefur tekið út leikbann sitt og getur reimað á sig takkaskóna þegar liðið mætir Burnley í ensku úrvalsdeildinni.

Manchester United getur komist á topp ensku úrvalsdeildarinnar í fyrsta sinn í 40 mánuði á morgun, United situr í öðru sæti deildarinnar með 33 stig líkt og Liverpool sem situr á toppnum.

„Edinson hefur æft mjög vel á meðan hann var í banni, hann fékk frí um helgina en er klár í slaginn. Hann er öðruvísi kostur, ég er glaður að fá hann aftur. Hann hefur lagt sitt að mörkum,“ sagði Ole Gunnar Solskjær.

Cavani var dæmdur í bann fyrir færslu á Instagram, bannið hefur þótt umdeilt sökum þess að Cavani notaði orðið „negrito“ sem er ekki rasískt í heimalandi hans Úrúgvæ en í Bretlandi er það rasískt.

Cavani var rétt að komast í gang þegar hann fór í leikbann. „Hann verður mikilvægur og hans tímabil byrjar í raun á morgun.“

Luke Shaw og Victor Lindelöf hafa jafnað sig af meiðslum en óvíst er með Paul Pogba og Eric Bailly. „Eric og Paul æfðu ekki alla æfinguna, Luke og Victor æfðu alla æfinguna.“

„Ég er með mikið magn af leikmönnum, við tökum stöðuna hjá Paul og Eric á morgun.“