Juventus tók á móti AC Milan í ítölsku deildinni í kvöld. Leiknum lauk með 1-1 jafntefli liðanna.
Gengi Juventus hefur ekki verið upp á marga fiska í deildinni í vetur. Það var því afar mikilvægt fyrir ítalska stórveldið að sækja eitthvað úr þessum leik. Heimamenn byrjuðu vel en Álvaro Morata kom þeim yfir strax á 4. mínútu með frábæru marki. Juventus var með góða stjórn á leiknum út fyrri hálfleikinn og áttu skilið að vera yfir þegar flautað var til hálfleiks.
Allt annað var að sjá til AC Milan í seinni hálfleik og fóru þeir smátt og smátt að sækja meira. Liðið uppskar seint í seinni hálfleik en Rebic jafnaði metin á 76. mínútu leiksins með skalla. Lokatölur því 1-1.
Juventus er í fallsæti í deildinni með aðeins tvö stig. AC Milan er í 2. sæti deildarinnar með 10 stig.
Juventus 1 – 1 AC Milan
1-0 A. Morata (´4)
1-1 A. Rebic (´76)
