Ljóst er að margir renna hýru auga til formanns KSÍ, sambandið þarf að finna nýjan formann og stjórn eftir málefni síðustu daga og vikna. Starfið er vel launað og gæti verið spennandi.
Guðni Bergsson sagði af sér sem formaður sambandsins fyrir rúmri viku, féll stjórnin degi síðar. Sambandið hefur verið sakað um að hylma yfir meint brot landsliðsmanna.
ÍTF, hagsmunasamtök liða í efstu deildum karla og kvenna hafa látið í sér heyra í baráttunni. Mörg atkvæði á ársþinginu í febrúar eru í þeim hópi. Ekki er ólíklegt að ÍTF leiti nú að einstaklingi til að stýra sambandinu sem hefur hagsmuni stærstu liða landsins í huga þegar hann sest í stólinn.
Nýr formaður verður kjörinn í febrúar en skipt verður um stjórn í október, þá kemur inn bráðabirgðar stjórn sem hefur takmarkaðar heimildir. Mun sú stjórn sitja fram í febrúar þegar ársþing sambandsins fer fram.
Nokkuð margir hafa verið nefndir við starf formanns síðustu daga en nöfn þeirra má sjá hér að neðan.
