fbpx
Föstudagur 26.nóvember 2021
433Sport

Yfirlýsingin um hótanir í garð fjölskyldna á Íslandi vakti óhug margra – „Það klikkar enginn á þá frétt“

Hörður Snævar Jónsson
Miðvikudaginn 23. júní 2021 08:46

Þóroddur Hjaltalín, formaður dómaranefndar KSÍ var áður dómari ©Anton Brink © 365 ehf / Anton Brink

Ekki missa af Helstu tíðindum dagsins í pósthólfið þitt

Lesa nánar

Það vakti óhug margra þegar yfirlýsing frá Knattspyrnusambandi Íslands barst í vikunni þess efnis að ítrekaðar hótanir í garð knattspyrnudómara væru hér á landi. Einnig kom fram að fjölskyldur dómara hafi fengið sendar hótanir eftir leiki og vakti sú staðreynd óhug hjá mörgum.

Málið var til umræðu í sjónvarpsþætti 433.is á Hringbraut í gær. „Þetta var berorð og hvöss yfirlýsing, hræðilegt eins og þetta er. Að fjölskyldum dómara sé hótað, ég las þetta og varð smá hugsi,“ sagði Benedikt Bóas Hinriksson blaðamaður á Fréttablaðinu um málið.

Í yfirlýsingunni kom fram að virðing gagnvart dómurum væri ekki næg. Benedikt telur að fjölmiðlar beri þar stóra ábyrgð. „Það er líka talað um starfsaðstöðuna, það er víða pottur brotinn. Ég held að enginn af þeim sem tala um fótbolta, ég efast um að nokkur hafi dómararéttindi. Samt er spurningin alltaf til þjálfara um það hvernig fannst þér dómarinn? Eigum við ekki bara að sleppa því? Ef þjálfarinn vill tala um dómarann er það í lagi, þetta er komið út í vitleysu. Við þurfum að snúa við, dómarar eru hluti af leiknum en hvað ætlarðu að gera ef enginn vill dæma?,“ sagði Benedikt sem blöskrar ástandið.

Hörður Snævar Jónsson stjórnandi þáttarins tók þá til máls. „Ég get skilið að dómarar eins og leikmenn fái einhver köll úr stúkunni um að þeir séu fífl eða eitthvað í þeim dúr. Það er í lagi, það er búið að flauta til leiksloka og allt siðmenntað fólk gengur af velli og leikurinn er búinn.“

„Við erum á rangri leið,“ sagði Benedikt og kom svo með sögu frá Dalvík á sunnudag þar sem hann fór að horfa á leik KA og Vals.

„Við fórum nokkrir Valsarar á Dalvík, það var frábær leikur í alla staða. Hart barist, þegar leikurinn var búinn þá hugsaði ég að Helgi Mikael (Dómari leiksins) var með allt rétt. Öllu stóru atriðin rétt, öll litlu nánast líka. Ég veit það alveg sjálfur, fréttin um að Helgi Mikael hafi dæmt óaðfinnanlega og gefum honum 10. Það klikkar enginn á hana, en sjáðu atvikið sem Helgi Mikael missti af selur,“ sagði Benedikt sem kallar eftir breyttum vinnubrögðum fjölmiðla í garð dómara.

ÚR yfirlýsingu KSÍ
Undanfarnar vikur hafa borist of margar fréttir og frásagnir af miður fallegri framkomu í garð knattspyrnudómara. Áreiti og ógnandi tilburðir hafa sést í leikjum og eftir leiki. Dómurum hefur verið hótað vegna ákvarðana þeirra, og það hefur jafnvel gerst að hótanir berist fjölskyldu dómara eftir leik! Nú er mál að linni. Þetta verðum við að stöðva og við þurfum að gera það í sameiningu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 11 klukkutímum

Davíð kominn aftur til Víkings R. – ,,Hér er verið að blása í herlúðra“

Davíð kominn aftur til Víkings R. – ,,Hér er verið að blása í herlúðra“
433Sport
Fyrir 12 klukkutímum

Víkingur staðfestir kaup á tveimur leikmönnum Breiðabliks

Víkingur staðfestir kaup á tveimur leikmönnum Breiðabliks
433Sport
Fyrir 14 klukkutímum

Henry Birgir segir málið sorgarsögu og gagnrýnir Vöndu: „Það var mikið fyllerí í kringum liðið“

Henry Birgir segir málið sorgarsögu og gagnrýnir Vöndu: „Það var mikið fyllerí í kringum liðið“
433Sport
Fyrir 15 klukkutímum

Leynd liggur yfir því hvernig uppgjöri við Eið Smára er háttað

Leynd liggur yfir því hvernig uppgjöri við Eið Smára er háttað
433Sport
Í gær

Ralf Rangnick hafnaði Chelsea á sínum tíma – „Ég er ekki bráðabirgðastjóri“

Ralf Rangnick hafnaði Chelsea á sínum tíma – „Ég er ekki bráðabirgðastjóri“
433Sport
Í gær

Sjáðu markið – Ísak Bergmann kemur FCK yfir

Sjáðu markið – Ísak Bergmann kemur FCK yfir