Stuðningsmenn spænska landsliðsins eru vægast sagt óánægðir með spilamennsku spænska liðsins á Evrópumótinu í knattspyrnu. Á forsíðu blaðsins Marca segir að liðið sé í alvöru veseni.
Spánn gerði markalaust jafntefli gegn Svíum í fyrsta leik. Spánverjar áttu aftur leik í gær, nú gegn Pólverjum og gerðu liðin 1-1 jafntefli. Liðið þarf því úrslit gegn Slóvakíu til þess að komast áfram. Blaðamenn Marca telja að sá leikur sé algjör úrslitaleikur fyrir félagið.
Eftir leikinn sagði Morata við Sky Sports að það væri erfitt að spila fyrir Spán og reyna að fylgja á eftir árangri snillinganna sem spiluðu árin 2008-12. Hann segir að fólk búist við of miklu af leikmönnunum sem spila fyrir landsliðið núna þar sem stuðningsmenn eru of góðu vanir.
„Það hjálpar ekki að hlusta á það sem fólkið er að segja þar sem allir bíða bara eftir að gagnrýna okkur. Önnur lönd fá bara stuðning og allir standa saman,“ sagði Morata í viðtali eftir leik.
„Við erum að koma á eftir kynslóð snillinga sem unnu allt og það er erfitt að fylgja eftir því, en við verðum að trúa á okkur.“