Það vakti mikla athygli í vikunni þegar Cristiano Ronaldo færði kókflöskur í burtu af blaðamannafundi og bað fólk um að drekka vatn í staðinn.

Ronaldo hugsar vel um líkamann sinn og leyfir sér lítið í mat og drykk. Þetta á einnig við um son hans, Cristiano Ronaldo Jr, en hann vill ekki að sonur sinn borði óhollan mat.

„Ég er stundum harður við hann og verð brjálaður þegar hann drekkur CocCola og Fanta,“ sagði Ronaldo í fyrra.

„Ég rífst við hann þegar hann borðar snakk og franskar og þannig mat, hann veit að mér líkar þetta ekki.“

„Stundum þegar við erum heima þá segi ég við hann að drífa sig á hlaupabrettið og eftir það segi ég honum að fara í kalt vatn til að ná sem bestri endurheimt. Þá segir hann „ pabbi, vatnið er svo kalt ég vil ekki gera þetta“

„Ég skil það alveg, hann er bara 10 ára og þetta er undir honum komið. Hann verður að ákveða sjálfur hversu langt hann vill ná.“