Jose Mourinho, stjóri Tottenham, notaði smá tíma á blaðamannafundi fyrir leik liðsins gegn Manchester United á sunnudag til að votta Filippusi prins virðingu sína. Prinsinn lést í gær, 99 ára gamall. Mourinho segist bera mikla virðingu fyrir konungsfjölskyldunni.
,,Fyrirgefið en ég var að lesa sorglegar fréttir um prins Filippus og mig langar að votta samúð mína til konungsfjölskyldunnar. Ég ber mjög, mjög mikla virðingu fyrir konungsfjölskyldunni.
Hann bætti því svo við að heimurinn allur muni syrgja prins Filippus.
Mourinho og hans menn í Tottenham taka á móti Man Utd, fyrrum lærisveinum stjórans, klukkan 15:30 á morgun.
