Manchester United notar það að skoða Jesse Lingard sem skiptimynt til West Ham í sumar, félagið hefur áhuga á Declan Rice miðjumanni West Ham. The Athletic segir frá.
Lingard er á láni hjá West Ham og hefur slegið í gegn í Lundúnum. Lingard sem er 28 ára gamall hafði verið settur í frystikistuna hjá Ole Gunnar Solskjær hjá Manchester United og vildi fara á lán.
Lingard hefur verið gjörsamlega frábær hjá West Ham og hefur kveikt áhuga fjölda liða á sér.
West Ham hefur áhuga á að kaupa Lingard en United vill 30 milljónir punda fyrir hann, spilamennska Lingard hefur komið honum aftur inn í enska landsliðið.
Líklega þarf United að borga 30-40 milljónir punda á milli til þess að klófesta Rice sem er öflugur djúpur miðjumaður.
