Chelsea ákvað í gær að reka Frank Lampard úr starfi knattspyrnustjóra og er búist við því að Thomas Tuchel verði ráðinn til starfa í dag.

Gengi Chelsea síðustu vikur hefur verið slakt og hefur Roman Abramovich, eigandi Chelsea tekið ákvörðun um að reka Lampard úr starfi. Chelsea situr í níunda sæti ensku úrvalsdeildarinnar, ellefu stigum á eftir toppliði Manchester United. Roman Abramovich lét Lampard fá 200 milljónir punda í leikmannakaup í sumar en árangurinn fylgir ekki með, eigandi Chelsea er ekki þekktur fyrir mikla þolinmæði gagnvart stjórum sínum.

Ensk blöð segja frá því í dag að Lampard hafi fengið símtal snemma í gær og var hann boðaður á fund á æfingasvæði félagsins, fundurinn hófst klukkan 09:00 og fór fram í matsalnum á æfingasvæðinu.

Lampard var meðvitaður um hvað væri í vændum þegar símtalið kom, uppsögnin kom honum því ekki á óvart þegar fundurinn fór af stað. Lampard fékk sér morgunmat og ræddi við framkvæmdarstjórann, Bruce Buck og Marina Granovskaia, stjórnarformann félagsins.

Ensk blöð segja að enginn reiði hafi verið á fundinum, málin hafi verið rædd og Lampard hafi síðan horfið á braut.

Sagt er frá því að stjórn Chelsea hafi frá því á öðrum degi jóla hugsað um að reka Lampard, tap gegn Arsenal og andleysið þar var eitthvað sem stjórn og eigandi Chelsea átti erfitt með að sætta sig við.

Lampard lætur af störfum með verstu tölfræðina af þeim stjórum sem Roman Abramovich hefur ráðið til starfa, Lampard sótti fæst stig að meðaltali í leik eins og sjá má hér að neðan.

Enski boltinn á 433 er í boði