Gary Neville sérfræðingur Sky Sports segir að Manchester United þurfi að kaupa sér miðvörð og hægri kantmann til að komast í fremstu röð. Untied situr á toppi ensku úrvalsdeildarinnar en liðið hefur bætt leik sinn síðustu vikur.

Neville og fleiri sérfræðingar telja þó að Untied hafi ekki það sem þarf til að vinna deildina, Neville segir að það geti breyst ef Ole Gunnar Solskjær verslar rétt.

„Ég horfði á leikinn og hugsaði um hvað United þyrfti til að breytast í lið sem er að berjast á toppnum í að vinna titla. Eitt er það að United þarf að koma sér hærra á völlinn til að hafa yfirhöndina í leikjum,“ sagði Solskjær.

„Þú horfir á Liverpool sem var með Henderson og Fabinho í vörninni en voru samt hátt með miðjumennina sína. Manchester United byrjar sinn leik aftar á vellinum.“

„Þegar liðið getur komið á Anfield  og spilað hærra á vellinum, mögulega á næstu leiktíð þá verður þetta betra. Það vantar miðvörð sem gefur þér sjálfstraust í að gera það.“

„Svo er það staða hægri kantmanns, það er vandamál og það er vitað. Juan Mata, Daniel James, Pogba, Rashford, Van de Beek og Greenwood hafa allir spilað þar á þessu tímabili. Þetta eru sex sem ég get strax talið upp og þeir eru örugglega fleiri. Það hefur enginn eignað sér þá stöðu.“

„Solskjær vildi hægri kantmann í sumar og fékk hann ekki. Það er örlítið vandamál þar, hægri kantmaður sem skorar mörk gæti gert gæfumuninn fyrir þetta lið í dag.“