Arsenal skoðar það að kaupa sér markvörð nú í janúar til að veita Bernd Leno samkeppni. Ensk blöð eru full af sögum þess efnis.

Rúnar Alex Rúnarsson er annar kostur félagsins í markið um þessar mundir, eftir góðar frammistöður í Evrópudeildinni virðast mistök hans í enska deildarbikarnum hafa verið dýrkeypt.

Sagt var frá því í The Athletic í vikunni að Arsenal myndi vilja lána Rúnar Alex í neðri deild Englands eða til liðs í Evrópu. Arsenal leitar að markverði til að keppa við Bernd Leno, David Ornstein segir að Arsenal hafi alltaf hugsað um Rúnar sem þriðja kost sinn í markið.

Spænskir og enskir miðlar segja svo frá því í dag að Arsenal hafi mikinn áhuga á að kaupa Neto, markvörð Barcelona.

Neto er 25 ára gamall en Barcelona vill fá um 18 milljónir punda fyrir varamarkvörð sinn.