Tveir áhugaverðir leikir eru í ensku úrvalsdeildinni í kvöld. Everton heimsækir Wolves á Molineux og Burnley tekur á móti Manchester United sem getur með sigri komist í toppsæti deildarinnar. Gylfi Þór Sigurðsson og Jóhann Berg Guðmundsson, verða báðir í eldlínunni með sínum liðum.
Gylfi Þór Sigurðsson, er í byrjunarliði Everton sem heimsækir Wolves í 18. umferð ensku úrvalsdeildarinnar. Everton er fyrir leikinn í 7. sæti deildarinnar með 29 stig, Wolves er í 13. sæti með 22 stig.
Byrjunarlið Everton:
Pickford, Holgate, Mina, Keane, Godfrey, Digne, Doucoure, Davies, Iwobi, Sigurdsson, James
Byrjunarlið Wolves:
Rui Patricio, Semedo, Coady, Saiss, Ait Nouri, Neves, Moutinho, Dendoncker, Gibbs-White, Neto, Silva
Þá er Jóhann Berg Guðmundsson í byrjunarliði Burnley sem fær Manchester United í heimsókn.
Ole Gunnar Solskjær, knattspyrnustjóri Manchester United stillir upp sókndjörfu liði þar sem Edinson Cavani leiðir fremstu línu liðsins.
Burnley er fyrir leikinn í 16. sæti deildarinnar með 16 stig. Manchester United er í 2. sæti með 33 stig og getur með sigri komist í 1. sæti deildarinnar.
Byrjunarlið Burnley:
Pope, Lowton, Tarkowski, Mee, Pieters, Brady, Westwood, Gudmundsson, Brownhill, Barnes, Wood.
Byrjunarlið Manchester United:
De Gea, Wan-Bissaka, Bailly, Maguire, Shaw, Matic, Pogba, Rashford, Fernandes, Martial, Cavani.
Báðir leikir kvöldsins hefjast klukkan 20:15.
