Á Meistaravöllum fór fram barátta KR og Fylkis í efstu deild karla í gær, lið sem eru að reyna ná Evrópusæti í deildinni. Orri Hrafn Kjartansson kom Fylki yfir á 32. mínútu. Óskar Örn Hauksson jafnaði metin fyrir KR á 48. mínútu.

Ragnar Bragi Sveinsson, fyrirliði Fylkis var sendur í sturtu eftir glórulausa tæklingu á Kristinn Jónsson á 59. mínútu.

Beitir Ólafsson, markvörður KR, fékk síðan að líta rauða spjaldið á 94. mínútu fyrir að hafa gefið Ólafi Inga Skúlasyni leikmanni Fylkis högg í andlitið.

Heitar umræður hafa skapast um hvort höggið sem Ólafur Ingi fékk hafi réttlætt þennan dóm. Það var Sam Hewson sem tryggði Fylki mikilvægan sigur með marki úr vítaspyrnu á 97. mínútu.

Rúnar Kristinsson þjálfari KR vandaði Ólafi Inga ekki kveðjurnar á Stöð2 Sport í gær. „Fíflagangurinn í Ólafi Inga Skúlasyni. Hann leitar með höfuðið í höndina á Beiti þegar hann er löngu búinn að kasta boltanum út. Hann er bara með leikrit og hann hefur gert þetta oft áður og hann er að reyna að eyðileggja leikinn á þennan hátt. Þegar lið vinna á þennan hátt þá er þetta bara svindl og svínarí,“ sagði Rúnar við Stöð2 Sport.

Atvikið má sjá hér að neðan.

Beitir’s red card here, an odd arm movement but also why would you have your head there? Definitely not ferocious attack… pic.twitter.com/LSDEkLq28o

— Tryggvi Kristjánsson (@DrHahntastic) September 28, 2020