Simon Peach blaðamaður í Englandi ætlaði sér á leik með Selby Town í utandeildinni á Englandi í gær en hætti snögglega við þegar hann fékk meldingu um það að Reece Thompson væri í herbúðum félagsins
Thompson var á síðasta ári dæmdur í tíu ára skilorðsbundið fangelsi eftir að hafa ráðist á unga konu sem hann átti í sambandi við. Thompson er 26 ára gamall í dag en hann hefur undanfarin ár leikið í neðri deildum Englands. Hann sat inni í fjóra mánuði vegna málsins en hitt er skilorðsbundið.
Hann á að baki leiki fyrir lið eins og York City, Guiseley og nú síðast Boston United en fær nú tækifæri með Selby Town í utandeildinni. Thompson kom hræðilega fram við unga konu sem opnaði sig um málið á dögunum. ,,Reece lamdi mig ítrekað. Hann lamdi mig með járnröri, braut á mér kjálkann og braut spegil á höfðinu á mér,“ sagði konan.
As I’m not covering #MUFC tonight, I was going to head down to Selby Town… that was until they signed this bloke. Have given Hall Road Rangers my money instead https://t.co/E1OXTZj9m3 pic.twitter.com/93cJEyySAN
— Simon Peach (@SimonPeach) September 22, 2020
Simon hafði hugsað sér að fara á leikinn þar sem hann þurfti ekki að vinna. „Ég hafði ætlað á leik með Selby Town en svo komst ég að því að þeir höfðu samið við þennan mann,“ sagði Peach. Selby Town segist meðvitað um brot Thompson en félagið ætli ekki að refsa honum meira, frekar ætlar félagið að hjálpa honum að verða að betri manneskju.
Lýsingar konunnar eru óhugnanlegar. ,,Hann neyddi mig til að sleikja málningu af gólfinu og svo braut hann annan spegil.“
,,Eftir það þá hugsaði ég með mér að ég myndi deyja, ég öskraði á hann að hætta eða að hann myndi drepa mig. Hann skipaði mér að setja hendurnar niður og sagði að ég ætti að taka barmsíðunum eins og alvöru kona.“