Óskar Örn Hauksson, leikmaður KR er orðinn leikjahæsti leikmaður efstu deildar karla frá upphafi. Þessum áfanga náði hann í kvöld er hann var í KR sem lék gegn Breiðablik á Kópavogsvelli.
Þetta er 322. leikur Óskars í efstu deild á Íslandi. Birkir Kristinsson var handhafi metsins þangað til í kvöld. Það met hafði staðið frá árinu 2004 en Birkir lék 321. leik í efstu deild á sínum ferli.
Óskar Örn hefur leikið með tveimur liðum í efstu deild á Íslandi. Fyrstu tímabilin sín í deildinni lék hann með Grindavík.
Árið 2007 skipti hann yfir í KR þar sem hefur leikið síðan þá, ásamt því að hafa farið sem lánsmaður til félaga í Noregi og Canada.
Óskar Örn varð 36 ára í ágúst og getur enn bætt leikjum við sinn magnaða feril.
