Manchester United gæti orðið án ellefu leikmanna þegar liðið mætir Crystal Palace í fyrsta leik sínum í ensku úrvalsdeildinni á þessu tímabili.

United fékk viku lengra í frí en önnur lið vegna þátttöku sinni í Evrópukeppni en margir lykilmenn eru í brasi með að vera leikfærir.

Mason Greenwood er áfram sagður æfa einn eftir að hafa brotið sóttvarnarreglur á Íslandi og er óvíst með þátttöku hans. Paul Pogba er að jafna sig eftir að hafa fengið kórónuveiruna.

Juan Mata, Fred, Aaron Wan-Bissaka og Eric Bailly snéru til æfinga á mánudag. Phil Jones er leikfær en er til sölu og verður líklega ekki með. Sömu sögu er að segja af Sergio Romero markverði liðsins.

Axel Tuanzebe er meiddur og þá ríkir óvissa með Bruno Fernandes, Anthony Martial og Victor Lindelöf sem allir fengu lengra frí vegna landsleikja en það er MEN sem fjallar um það.