Brotist var inn í vallarhús knattspyrnudeildar Njarðvíkur um kl 01:20 aðfaranótt 13. september síðastliðin. Þetta kemur fram í færslu frá knattspyrnudeild Njarðvíkur á Facebook.
Þar er birt myndband úr öryggismyndavél sem er staðsett við vallarhús félagsins. Þar sjást þrír einstaklingar brjóta sér leið inn í vallarhúsið með því að sparka upp hurð.
Þjófarnir höfðu á brott með sér ýmis tæki, þar á meðal fartölvu, hátalara og myndvarpa. Málið hefur verið tilkynnt til lögreglu
Knattspyrnudeild Njarðvíkur biðlar til einstaklinga sem kannast við þessa aðila að hafa samband við lögregluna. Myndbandið úr öryggismyndavélinni má sjá hér:
