fbpx
Föstudagur 14.ágúst 2020
433Sport

Gaui Þórðar baunar á leikmann: Eins og jólatré – ,,Veit ekki á hvaða sveppum hann var á“

Victor Pálsson
Laugardaginn 4. júlí 2020 08:00

© 365 ehf / Anton Brink

Ekki missa af Helstu tíðindum dagsins í pósthólfið þitt

Lesa nánar

Guðjón Þórðarson, fyrrum landsliðsþjálfari, var gestur í hlaðvarpsþættinum Fantasy Gandalf fyrir helgi.

Guðjón er nafn sem flestir landsmenn kannast við en hann var síðast þjálfari NSÍ í færeysku úrvalsdeildinni.

Í þættinum ræddi Guðjón á meðal annars umdeilt mark Víkinga í síðustu umferð úrvalsdeildar karla gegn FH.

Óttar Magnús Karlsson var fljótur að hugsa og tók aukaspyrnu snögglega þegar leikmenn FH voru að nöldra í dómara leiksins.

Dómarinn flautaði leikinn ekki af stað á ný og vildu margir meina að markið hafi ekki átt að standa.

Guðjón er hins vegar ósammála því og gagnrýnir markvörð FH sérstaklega, Gunnar Nielsen, sem var ekki á sínum stað þegar Óttar tók spyrnuna.

,,Það er bara þannig að þegar það er aukaspyrna þá þarf dómarinn ekki að flauta á aftur, þú getur sett hendina á boltann og stoppað hann, það eina sem er krafist er að boltinn sé kyrr. Í þessu tilfelli er hann kyrr og hann getur tekið hann,“ sagði Guðjón.

,,Hins vegar er það kannski villandi að dómarinn kemur svona skokkandi í áttina að þessu atviki í stað þess að fara inn á vítateigsmiðju þar sem væntanlegt átakasvæði verður. Hann þarf ekki að flauta þetta á.“

,,Það sem gerist er að menn temja sér þann ósið að tuða, nöldra og röfla yfir öllum sköpuðum hlutum. Gunnar í markinu, ég veit ekki á hvaða sveppum hann var þarna.“

,,Hver á að passa markið? Hvað er hann að standa þarna úti í teig eins og jólatré. Hann á bara að koma sér í markið og taka sína stöðu. Skyldan er sú að þegar aukaspyrna er flautuð þá áttu að undirbúa varnarvinnu. FH-ingarnir voru ekkert að gera það.“

,,Málið er það að FH-ingar voru ekki með hausinn rétt stilltann í þessum leik. Þetta kristallar bara leikinn þeirra, þessi útfærsla af þessari aukaspyrnu eða sofandagangur FH í henni. Ég tel þetta gott og gilt mark. Ég hefði verið brjálaður sem þjálfari hefði þetta verið flautað af mér.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Í vikunni

433Sport
Í gær

Víðir segir nei – Engir áhorfendur á leikjum á Íslandi

Víðir segir nei – Engir áhorfendur á leikjum á Íslandi
433Sport
Í gær

Gylfi Sig bauð eiginkonunni í óvænta ferð um helgina – Sjáðu hvert þau fóru

Gylfi Sig bauð eiginkonunni í óvænta ferð um helgina – Sjáðu hvert þau fóru
433Sport
Fyrir 3 dögum

Svona fögnuðu knattspyrnumennirnir eftir sigurinn – Bjór, kampavín og karaókí

Svona fögnuðu knattspyrnumennirnir eftir sigurinn – Bjór, kampavín og karaókí
433Sport
Fyrir 4 dögum

Evrópudeildin: Liðsfélagar Ragnars töpuðu gegn Manchester United – Inter sigraði sinn leik

Evrópudeildin: Liðsfélagar Ragnars töpuðu gegn Manchester United – Inter sigraði sinn leik