Christophe Dugarry, fyrrum leikmaður Frakklands, hefur beðist afsökunar á ummælum sem hann lét falla í gær.
Dugarry ræddi við RMC Sport um ástand Antoine Griezmann sem leikur með Barcelona og hefur verið í basli á tímabilinu.
Í ræðu sinni þá kallaði Dugarry liðsfélaga Griezmann, Lionel Messi, á meðal annars ‘hálf einhverfan.’
Það fór illa í marga og þurfti Dugarry að setja fram færslu á Twitter þar sem hann baðst afsökunar.
,,Ég biðst afsökunar á hversu langt ég gekk varðandi ummælin um Messi,“ sagði Dugarry.
,,Það var ekki mín ætlun að gera lítið úr einhverfu fólki. Ég bið þá sem ég móðgaði afsökunar.“
