Gary Neville, goðsögn Manchester United, segir Ole Gunnar Solskjær að rífa upp veskið ef hann vill fá Jadon Sancho í sumar.
Sancho er einn eftirsóttasti leikmaður heims en talað er um að United vilji ekki borga meira en 50 milljónir punda.
Neville segir að það sé of lítið fyrir leikmann á borð við Sancho sem er hjá Borussia Dortmund.
,,Ég held að þú verðir að borga aðeins meira heldur en það, Ole. Sum félög halda að önnur félög þurfi að selja ódýrt,“ sagði Neville við Sky Sports.
,,Ég er ekki viss um að þú getir lagt lið eins og Borussia Dortmund í einelti með það.“
,,Miðað við það sem þessir strákar hafa sýnt undanfarin tvö eða þrjú ár þá hafa stóru liðin sem gefa þeim engan spilatíma lítið tak.“