Mikel Arteta, stjóri Arsenal, hefur gefið í skyn að Mesut Özil sé ekki að fara að spila fyrir félagið í bráð.

Özil hefur ekkert spilað með Arsenal síðan deildin fór aftur af stað en hann er ekki inni í myndinni hjá Arteta.

Talið er að Özil hafi lítinn vilja til að leggja sig fram fyrir Arsenal og gæti verið að kveðja í sumar.

,,Hann er í nákvæmlega sömu stöðu og hann var fyrir einni eða tveimur vikum,“ sagði Arteta.

,,Við sögðum á þeim tíma að við myndum leysa þetta innbyrðis. Ég hef ekkert meira að segja.“

Özil fær 350 þúsund pund á viku hjá Arsenal og er samningsbundinn til ársins 2021.