Lúðvík Jónasson fyrrum varnarmaður í Stjörnunni er gestur í Dr. Football hlaðvarpsþætti Hjörvars Hafliðasonar og fer yfir liðið sitt, Stjörnuna. Þessi fyrrum knattspyrnumaður er í dag umsvifamikill í auglýsingabransanum á Íslandi.

Lúðvík er þekktur fyrir að liggja ekki á skoðunum sínum og lína hans í viðtali við Stöð2 fyrir nokkrum árum. „Kóngur Íslands þarf ekki svoleiðis. Million-dollara andlit,“ er lína sem margir kannast við. Lúðvík var þá spurður hvort hann væri að nota nýja stefnumótasíðu.

Lúðvík er öruggur á því að Stjarnan vinni Pepsi Max-deild karla í sumar og bikarinn með. „Ég held að við tökum báðar dollurnar, við erum langbesta liðið á landinu,“ sagði Lúðvík.

Lúðvík gefur svo lítið fyrir Ólaf Kristjánsson, þjálfara FH. „Mér fannst nú bara hlægilegt að hlusta á formann FH segja að þeir væru með besta ellefu manna liðið á landinu með lélegasta þjálfarann by far af þessum topp fjórum klúbbum. Hann er nú bara í myndlíkingarmáli út í eitt og ætti að hressa sig við í viðtölum sá snillingur. Við tökum þetta mót og pökkum því saman.“

Rúnar Páll Sigmundsson hefur stýrt Stjörnunni um langt skeið. „Hann spilar smá Drillo, norskur Drillo bolti. Það er stundum bara lúðrað upp í rassgat, Brynjar er snillingur í að taka sína 60 metra sendingar. Það er gott skipulag á liðunum hans Rúnars, hann spilar norskan háfjallabolta.“

Viðtalið við Lúðvík má sjá hér að neðan.