Arjen Robben hefur tekið fram skóna á ný en hann gerði í gær samning við Groningen í Hollandi.
Robben er nafn sem flestir kannast við en hann var lengi hjá Bayern Munchen og vann þar ófáa titla.
Robben er 36 ára gamall í dag en hann er uppalinn hjá Groningen og vill enda ferilinn þar.
Hollenska félagið reyndi lengi að sannfæra Robben um að snúa aftur og tókst það að lokum með hjálp Michael Jordan.
Groningen notaði klippur úr heimildarþáttunum The Last Dance til að ýta Robben réttu megin við línuna.
Fjallað er um feril Jordan sem körfuboltamanns í þáttunum og hans síðasta tímabil með Chicago Bulls árið 1998.
