Guðjón Þórðarson, einn sigursælasti þjálfari í sögu Íslands sótti um starf á Akranesi en fær það ekki. Þessu heldur hlaðvarpsþátturinn Dr. Football fram.
Guðjón sótti um að stýra Kára í 2. deildinni en liðið er skipað öflugum Skagamönnum. Guðjón átti frábæran tíma sem þjálfari ÍA. Kári leitar sér að þjálfara fyrir komandi tímabil.
„Kári er að leita sér að þjálfari, það barst umsókn. Guðjón Þórðarson sótti um starfið en hins vegar samkvæmt mínu fólki þá tekur Siggi Jóns þetta,“ sagði Hjörvar Hafliðason í þætti sínum.
Guðjón sagði upp störfum hjá NSÍ Runavík í Færeyjum eftir eitt ár í starfi og viðist vilja komast aftur í boltann. ,,Gaui er ekki að fara að taka þetta, Siggi er frábær þjálfari.“
Guðjón þjálfaði erlendis um langt skeið og náði einnig góðum árangri með íslenska landsliðið. Sigurður var áður þjálfari Kára og gerði vel.