Hugo Rodallega, framherji Wigan segir að stjörnur enska fótboltans drekki meira af áfengi en fólk heldur. Framherjinn segir að leikmenn í enska boltanum séu duglegir að hella í sig.

Rodallega lék á Englandi í rúm sex ár og segist hafa hitt skærustu stjörnurnar í misjöfnu ástandi.

„Fólk ætti að vita hversu oft ég sá Wayne Rooney í Manchester, hann var eins og klikkaður maður. Ég sá Steven Gerrard á bar beran að ofan að sveifla skyrtunni,“ sagði Rodallega.

„Það er ekkert að þessu, þeir eru mannlegir. Það eru ansi fáir knattspyrnumenn sem drekka ekki, það fara allir út og hella í sig.“

Rodallega viðurkennir að honum finnst sopinn góður. „Ég elska að dansa og fá mér í glas, ég elska salsa. Fótboltamenn eru bara mannlegir.“