Sex smitaðir einstaklingar eru í ensku úrvalsdeildinni en allir sem koma að liðunum voru prófaðir.
748 leikmenn og starfsmenn voru prófaðir fyrir kórónuveirunni en félögin máttu hefja æfingar í gær. Þessir sex einstaklingar verða í sóttkví í heila viku og verður fylgst náið með þeim. Smitin sex eru í þremur félögum.
Ekkert smit er í herbúðum Manchester United og Ole Gunnar Solskjær ákvað að hefja æfingar í dag. Fimm leikmenn æfa saman í hóp.
Vonir standa til um að hægt verði að hefja æfingar að fullum krafti í næstu viku og að hefja deildina 12 eða 19 júní.