Callum Hudson-Odoi leikmaður Chelsea er í haldi lögreglu eftir að kona sem var á heimili hans hringdi á lögregluna. Klukkan 03:53 á sunnudagsmorgun fékk lögreglan símtal frá konu sem var á heimili Hudson-Odoi.
Leikmaðurinn braut reglur um útgöngubann með því að fá gest á heimili sitt auk þess að vera grunaður um ofbeldi gangvart henni.
Hann er ekki fyrsti leikmaður enska boltans sem brýtur reglur um útgöngubann, Kyle Walker leikmaður Manchester City keypti vændiskonur sem mættu á heimili hans.
Jack Grealish leikmaður Aston Villa fór í partý og klessukeyrði bíl sinn undir áhrif. Piers Morgan sjónvarpsstjarna í Bretlandi kallar eftir því að þessir menn verði settir í bann frá fótbolta.
„Þessi fífl eru að drepa mannorð allra knattspyrnumanna, þeir eru að gera grín að þeim plönum sem eru í gangi til að koma fótboltanum aftur af stað,“ sagði Morgan.
„Þeir sem eru búnir að brjóta reglur um útgöngubann eiga að vera settir í bann frá fótbolta þegar boltinn rúllar aftur af stað.“
