Jose Antonio Reyes, lést síðasta sumar í umferðarslysi en lögreglan á Spáni gaf í dag út skýrslu um slysið. Þessi 35 ára kappi lést í bílslysi í heimalandinu. Reyes var eins og áður sagði aðeins 35 ára gamall og var samningsbundinn liði Extrememadura. Hann átti mjög glæstan feril og er þekktastur fyrir tíma sinn hjá Atletico Madrid og Sevilla.
Enskir knattspyrnuaðdáendur kannast einnig við Reyes sem spilaði með Arsenal frá 2004 til 2007.
Í skýrslu lögreglu kemur fram að Reyes hafi verið á 186 kílómetra hraða og að vinstra afturdekk hafi sprungið, með þeim afleiðingum að hann missti alla stjórn á ökutækinu. Mercedes bifreiðin sem Reyes ók, skall á vegg utan vegar.
Með Reyes í för voru tveir frændur hans, annar þeirra lést en hinn lifði af.
Noelia López hafði gifst Reyes árið 2017 en kappinn hafði átt frábæran feril sem atvinnumaður í fótbolta. ,,Ég reyni að finna leið út með dætrum mínum, að halda áfram með lífið eins og aðrar konur í minni stöðu,“ sagði Lopez um stöðu mála.
,,Við reynum að minnast Jose á besta mögulegan máta, og að halda áfram. Tíminn læknar sárin og verður að einhverju öðru.“