Þeir Birkir Bjarnason og Emil Hallfreðsson munu ekki fá neina sérmeðferð er þeir mæta til landsins frá Ítalíu.
Það eru 19 dagar í að íslenska landsliðið spili við Rúmeníu í umspili Þjóðadeildarinnar en leikið er hér heima.
Víðir Reynisson, öryggisstjóri KSÍ, staðfesti það í viðtali við RÚV í kvöld að landsliðsmennirnir þyrftu að fara í sóttkví rétt eins og aðrir.
Bæði Birkir og Emil spila á Norður-Ítalíu þar sem COVID-19 veiran er innan skligreinds hættusvæðis.
„Þeir hljóta þá að vera að koma heim þannig að þeir geti verið í 14 daga í sóttkví fyrir leikinn. Það gildir sama um þá eins og alla aðra Íslendinga,“ sagði Víðir.
Klara Bjartmarz, framkvæmdarstjóri KSÍ, staðfesti það einnig við RÚV að það væri reynt að fá leikmenninna fyrr heim.
Þeir þurfa að vera í sóttkví í heila 14 daga og eins og áður var tekið fram eru aðeins 19 dagar í leikinn.
