Carlos Vela, fyrrum leikmaður Arsenal, saknar þess svo sannarlega ekki að vera í London.
Vela stóðst aldrei væntingar á Emirates en hann gekk svo í raðir Real Sociedad þar sem hlutirnir gengu upp.
Hann saknar þess ekki að vera í London en hann samdi við Arsenal aðeins 17 ára gamall.
,,Mikilvægasti hluti lífsins var í San Sebastian: nýja fjölskylda mín,“ sagði Vela.
,,Ég kom þaðan eftir þrjú ár í London og ég gat ekki aðlagast. Ég veit ekki hvernig ég á að útskýra það nákvæmlega.“
,,Ég á ekki góðar minningar þaðan. Ég vildi komast burt. Ég byrjaði að njóta fótboltans eftir þrjú slæm ár á Englandi.“