Eden Hazard, leikmaður Real Madrid, viðurkennir að hans fyrsta tímabil hafi verið ansi lélegt til þessa.
Hazard kostaði Real 100 milljónir punda frá Chelsea í sumar en hann hefur aðeins spilað 15 leiki til þessa vegna meiðsla.
,,Fyrsta tímabilið mitt hjá Real Madrid hefur verið lélegt en ekki allt hefur verið lélegt,“ sagði Hazard.
,,Þetta tímabil snýst um að aðlagast. Ég verð dæmdur á því seinna. Það er undir mér komið að vera í góðu standi á næsta ári.“
,,Hópurinn er góður, ég hef kynnst nýju fólki. Þetta er frábær reynsla fyrir mig. Ég á enn fjögur ár eftir af samningnum.“