Emil Hallfreðsson, miðjumaður íslenska landsliðsins og Padova lauk sóttkví í gær en hann flúði slæmt ástand á Ítalíu og kom heim til Íslands.
Emil kom heim til Íslands og lauk sóttkví í gær, hann ætlaði að vera leikfær með íslenska landsliðinu gegn Rúmeníu í kvöld. Leiknum var svo frestað vegna kórónuveirunnar.
,,Ég tala reglulega við vini mína á ítalíu, ástandið er búið að vera mjög erfitt. Það var smá jákvætt í gær, aðeins minna um smit og aðeins færri sem létust,“ sagði Emil í Bítinu á Bylgjunni nú í morgun
Emil vonar að Ítalir hafi náð toppnum í sínum faraldri og ástandið horfi til betri vegar. ,,Ég vona það, þetta er búið að vera hræðilegt fyrir þau.“
Emil býr ásamt eiginkonu sinni og börnum á Ítalíu ,,Það var ekki búið að vera skóli fyrir krakkana í mánuð og verður ekki næstu mánuði. Þá er best að vera heima hjá sér.“
