Jesse Marsch, stjóri RB Salzburg, sér ekki eftir því að hafa farið á Anfield og reynt að sækja sigur gegn einu besta ef ekki besta liði heims, Liverpool.

Salzburg tapaði 4-3 gegn Liverpool í október en liðið hefur breytt spilamennsku sinni mikið síðan Marsch kom frá Red Bull New York.

,,Ég myndi miklu frekar heimsækja Liverpool og tapa leiknum 4-3 frekar en að sitja til baka í 90 mínútur og reyna að vinna þá á skyndisóknum,“ sagði Marsch.

,,Ég nýt þess að lifa svona. Ég trúi því að þetta fæði sigurvegara. Við fórum í gegnum þetta hjá New York. Þegar ég tók við var liðið mjög varnarsinnað.“

,,Þeir sátu aftar og létu Thierry Henry fá boltann og reyndu að sækja hratt. Ég þurfti að breyta öllu varðandi okkar leikstíl.“