Guðmundur Steinn Hafsteinsson hefur skrifað undir hjá Rot-Weiss Koblenz, í fjórðu efstu deild Þýskaland. Fótbolti.net segir frá.

Guðmundur var án félags eftir að samningur hans við Stjörnuna rann út. Hann ræddi við nokkur félög en skrifaði hvergi undir.

„Ég var að skoða mín mál. Þetta er aðallega fjölskyldumál. Ég er með tvo unga krakka og annað þeirra er ungabarn. Ég er í fæðingarorlofi og við ákváðum að taka vorið í Þýskalandi frekar en á Íslandi,“ sagði Guðmundur Steinn við Fótbolta.net í dag.

Líkur eru á að Guðmundur snúi aftur til Íslands áður en félagaskiptaglugginn á Íslandi lokar 15. maí.

Guðmundur er stór og stæðilegur framherji en hann var mest í aukahlutverki í Garðabænum.

Pepsi Max deildin á 433 er í boði