Sadio Mane, leikmaður Liverpool, vissi ekki að leikmenn liðsins myndu fá medalíu fyrir að vinna ensku deildina.
Mane frétti það fyrir helgi en allar líkur eru á að Liverpool fagni sigri í deildinni á leiktíðinni.
Sóknarmaðurinn er þó ekki að velta sér mikið upp úr því en mun þó glaður taka við verðlaununum.
,,Ég frétti það í gær að við myndum fá medalíu ef við vinnum deildina,“ sagði Mane við blaðamenn.
,,Ég vissi ekki af því en mér er í raun alveg sama um medalíur.“