Anthony Martial, leikmaður Manchester United, tók ekki þátt í leik gegn Club Brugge í kvöld.
Ástæðan er sú að Martial er meiddur en hann yfirgaf æfingu liðsins í gær fyrir leikinn í Evrópudeildinni.
Ole Gunnar Solskjær hefur staðfest meiðsli Martial en óvíst er hversu alvarleg þau eru.
,,Honum leið ekki rétt eftir æfinguna í gær og yfirgaf hana labbandi, hann er meiddur,“ sagði Solskjær.
,,Vonandi eru meiðslin ekki of alvarleg en ég hef ekki hugmynd um ennþá hversu lengi hann verður frá.„