Bukayo Saka er mögulega besti ungi leikmaður Englands að mati liðsfélaga hans Alexandre Lacazette.

Saka er aðeins 18 ára gamall en hann fær reglulega að spila hjá Arsenal í dag og stendur sig vel.

Lacazette hefur fulla trú á þessum unga leikmanni og telur hann vera á meðal þeirra bestu í hans aldursflokki.

,,Hann er virkilega góður. Ég held að hann sé mögulega besti ungi leikmaður deildarinnar,“ sagði Lacazette.

,,Það er sumt sem má bæta en við sjáum gæðin og hversu auðmjúkur hann er – það er það besta fyrir hann.“

Enski boltinn á 433 er í boði