Annie Kilner, fyrrum kærasta Kyle Walker, hefur tjáð sig um framhjáhald leikmannsins sem hefur verið á forsíðum síðustu vikur.

Walker er leikmaður Manchester City en honum var sparkað út og býr nú einn í íbúð í miðbænum.

Walker hélt framhjá Kilner með fyrsætunni Lauryn Goodman síðasta sumar og er hún nú ófrísk með hans barni.

,,Hann er hálfviti fyrir að fórna því að missa fjölskylduna fyrir þetta. Þegar hann sagði mér frá þessu var ég niðurbrotin,“ sagði Kilner.

,,Mér leið bara illa líkamlega. Allt loftið fer úr þér. Heimurinn hrundi þegar ég heyrði af þessu.“

,,Þetta var það versta sem gat gerst, það sem ég óttaðist mest það gerðist. Ég trúði þessu ekki.“

,,Hann hélt ekki bara framhjá mér heldur barnaði hann stelpuna.„