Kalidou Koulibaly, leikmaður Napoli, verður ekki með liðinu gegn Barcelona næsta þriðjudag.
Þetta hefur Gennaro Gattuso, stjóri Napoli staðfest en Koulibaly er að glíma við meiðsli þessa stundina.
Varnarmaðurinn meiddist í 2-1 tapi gegn Parma í desember og verður ekki búinn að ná sér að fullu fyrir leikinn.
Þessi 28 ára gamli leikmaður er talinn einn besti varnarmaður heims en hann nær ekki fyrri leiknum í Meistaradeildinni.
Napoli spilar gegn Brescia í ítölsku deildinni í kvöld og tekur Koulibaly ekki þátt í þeirri viðureign.