Rio Ferdinand, goðsögn Manchester United, segir Paul Pogba að þagga í umboðsmanninum umdeilda, Mino Raiola.

Raiola er sá sem tjáir sig mest um framtíð Pogba en óvíst er hvort hann verði áfram hjá United á þessu ári.

,,Meiðsli hafa sett strik í reikninginn en það er pirrandi því hann er hæfileikaríkur leikmaður,“ sagði Ferdinand.

,,Ég held að hann sé meiddur og að Ole Gunnar Solskjær sé að bregðast við því sem er í gangi.“

,,Ég myndi segja honum að tjá sig, opnaðu þig og talaðu sem hæst. Segðu umboðsmanninum að þegja, þú tjáir þig og kemur hlutunum á hreint.“

,,Þannig vita liðsfélagarnir, stjórinn og stuðningsmennirnir hvað sé í gangi.“