Það hefur vakið athygli að Sadio Mane, besti leikmaður Liverpool er með brotinn síma þegar hann mætir í leiki. Þrátt fyrir að þéna tugir milljóna á viku þá lætur hann það duga.

Mane er frá Senegal og ólst upp við mikla fátækt, það að hann sé sterk efnaður hefur ekki breyt hugsunarhætti hans.

,,Af hverju ætti ég að vilja tíu Ferrari bíla, 20 demantsúr eða tvær flugvélar. Hvað gera þessir hlutir fyrir mig og heiminn?,“ sagði Mane þegar hann var spurður út í brotna símann.

Mane ólst upp við mikla fátækt. ,,Ég var svangur, ég varð að vinna og ég lifði af erfiða tíma. Spilaði fótbolta án þess að eiga skó, ég hafði enga menntun.“

Í dag þénar Mane tugir milljóna í hverri vikur. ,,Núna þéna ég vel vegna fótboltans, ég get byggt skóla. Ég setti upp knattspyrnuvöll, ég kaupi föt, skó og mat fyrir fólkið sem er í mestu fátæktinni. Ég gef 70 evrur til allra sem glíma við mikla fátækt. Ég þarf ekki dýra bíla, dýrt heimili, flugvélar. Ég vil frekar að fólkið mitt fái eitthvað af því sem lífið hefur gefið mér.“