Robbie Fowler, goðsögn Liverpool, vill taka við liðinu í framtíðinni og er tilbúinn að berjast um þá stöðu við Steven Gerrard.
Fowler þjálfar í dag lið Brisbane Roar í Ástralíu og vinnur þar ásamt aðstoðarmanninum Tony Grant.
Jurgen Klopp er í dag stjóri Liverpool en Fowler er ekki að vonast eftir því að hann kveðji í bráð.
Það er oft talað um að Gerrard verði arftaki Klopp á Anfield en Fowler er einnig tilbúinn að bjóða sig fram.
,,Ég vil þjálfa lið í ensku úrvalsdeildinni og vil fá Tony Grant með mér í starfsteyminu,“ sagði Fowler.
,,Ég myndi sætta mig við Liverpool fyrst! Augljóslega vil ég þó að Jurgen verði þar sem lengst, hann er frábær.“