fbpx
Laugardagur 16.janúar 2021
433Sport

Brjálaður Benedikt eftir ákvörðun Svandísar: „Í VG er fólk sem hefur engan áhuga og mætti aldrei í leikfimi“

Hörður Snævar Jónsson
Þriðjudaginn 1. desember 2020 12:22

mynd/Valli

Ekki missa af Helstu tíðindum dagsins í pósthólfið þitt

Lesa nánar

Svandís Svavarsdóttir, heilbrigðisráðherra, hefur ákveðið að framlengja gildandi reglugerð um takmarkanir á samkomum vegna COVID-19 veirunnar. Gilda núverandi takmarkanir til 9 desember.

Íþróttafólk situr því áfram við sama borðið og undanfarið og má ekki mæta til æfinga. Um langt skeið hefur afreksfólk á Íslandi ekki getað stundað sína íþrótt og það vekur upp spurningar. Í flest öllum löndum er íþróttastarf í gangi af fullum krafti þrátt fyrir veiruna.

Íslandsmótið í knattspyrnu var blásið af fyrir mánuði síðan vegna þess regluverks sem ríkisstjórn Íslands hefur haft hér á landi, ekki var talið líklegt að hægt væri að klára mótin og hefur það komið á daginn. Á sama tíma hefur körfu og handboltafólk ekki getað æft síðustu vikur en Íslandsmótin þar voru blásin af í mars þegar veiran gerði fyrst vart við sig. Mótin fóru aftur af stað í haust en hafa verið í pásu vegna aðgerða hér á landi.

Mikil umræða hefur skapast um málefnið og Runólfur Pálsson, læknir og einn af yfirmönnum Covid-göngudeildar Landspítala sagði á dögunum við Fótbolta.net að leyfa ætti íþróttir enda væri smithættan innan vallar svo gott sem enginn. „Við vitum hvar mesta hættan er á smiti og virðist það ekki tengjast skipulögðu íþróttastarfi. Vandinn er sá að við getum ekki uppfyllt tveggja metra regluna og getum ekki komist hjá snertingu í keppni en á sama tíma vitum við að ef vel er haldið á málum þá er lítið um smit á þessum vettvangi. Það finnst mér gefa tilefni til undanþágu miðað við þá þekkingu sem við höfum.“

 

Brjálaður Benedikt:

Benedikt Guðmundsson körfuboltaþjálfari er brjálaður yfir þeirri stöðu sem íþróttafólk á Íslandi situr við. „Áfram æfinga- og keppnisbann í boði VG þrátt fyrir að önnur lönd leyfi íþróttir. Þrátt fyrir að sérfræðingar og vísindamenn hér heima bendi á ákveðnar staðreyndir. Í VG er fólk sem hefur aldrei stundað íþróttir, hefur engan skilning á þeim, engan áhuga og mætti aldrei í leikfimi,“ skrifar Benedikt á Twitter.

Guðjón Guðmundsson íþróttafréttamaður segir skorta skilning og afleiðingarnar verði miklar fyrir afreksfólk. „Ákvörðun dagins er rothögg fyrir íþróttahreyfinguna. Það mun taka langan tíma að rétta skútuna af. Það er í raun sorglegt að horfa upp á þetta. Ríkisstjórnin lætur sér í léttu rúmi liggja og virðist skorta áhuga og skilning á afreksstarfi. Því miður.Eina,“ skrifar Guðjón.

Arnar Guðjónsson tekur í sama streng. „Áfram heldur bullið. ÍSÍ auðvitað mætt til að berjast fyrir sitt fólk…. eða nei hafa engan áhuga á því,“ skrifar Arnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 19 klukkutímum

Ronaldo í algjörum sérflokki – Sjáðu hvað hann þénar á ári

Ronaldo í algjörum sérflokki – Sjáðu hvað hann þénar á ári
433Sport
Fyrir 20 klukkutímum

Rooney leggur skóna á hilluna og tekur starfið – Magnaður ferill á enda

Rooney leggur skóna á hilluna og tekur starfið – Magnaður ferill á enda
433Sport
Fyrir 23 klukkutímum

Carragher segir alla pressuna vera á Liverpool um helgina

Carragher segir alla pressuna vera á Liverpool um helgina
433Sport
Fyrir 23 klukkutímum

Arsenal skoðar markvörð Barcelona til að fylla skarð Rúnars

Arsenal skoðar markvörð Barcelona til að fylla skarð Rúnars
433Sport
Í gær

Erfitt fyrir leikmenn að fagna ekki mörkum saman – „Reyndu að biðja stuðningsmann um að sitja í sófanum þegar liðið hans skorar“

Erfitt fyrir leikmenn að fagna ekki mörkum saman – „Reyndu að biðja stuðningsmann um að sitja í sófanum þegar liðið hans skorar“
433Sport
Í gær

Myndir af knattspyrnustjórum ensku úrvalsdeildarinnar vekja mikla athygli á Twitter

Myndir af knattspyrnustjórum ensku úrvalsdeildarinnar vekja mikla athygli á Twitter
433Sport
Í gær

Aron segir leikmenn Íslands hungraða í að komast á stórmót – „Vita að þetta gæti verið okkar síðasta tækifæri“

Aron segir leikmenn Íslands hungraða í að komast á stórmót – „Vita að þetta gæti verið okkar síðasta tækifæri“
433Sport
Í gær

Dómarar Ensku úrvalsdeildarinnar: „Við viljum 2 metra reglu“

Dómarar Ensku úrvalsdeildarinnar: „Við viljum 2 metra reglu“