„Svalasta 7-an kveður og tekur með sér 185 leiki og 92 mörk fyrir félagið!,“ segir á heimasíðu Stjörnunnar en Guðjón Baldvinsson framherji liðsins hefur yfigefið uppeldisfélag sitt.

„Guðjón Baldvinsson hefur reynst félaginu mjög vel í gegnum árin og glatt okkur ófá skiptin á knattspyrnuvöllum landsins. Takk fyrir allt Gaui,“ sagði Helgi Hrannarr Jónsson formaður meistaraflokksráðs karla.

Guðjón skrifaði svo yfirlýsingu til stuðningsmanna Stjörnunnar:
Kæru Stjörnuvinir,
Eftir frábær ár hjá Stjörnunni hef ég tekið þá ákvörðun að ég sé búinn að spila minn síðasta leik fyrir félagið.
Margar góðar minningar sem ég tek með mér. Ég hef spilað með liðinu í þremur efstu deildum landsins og því upplifað þennan magnaðan uppgang félagsins undanfarin 18 ár.
Ég er viss um að uppgangurinn haldi áfram með öllum þeim efnilegu leikmönnum sem eru til staðar hjá félaginu.
Ég vill þakka öllu því góða fólki sem ég hef unnið með í gegnum árin, sjálboðaliðar, stuðningsmenn, þjálfarar og leikmenn.
Takk fyrir mig og gangi ykkur vel
Guðjón Baldvinsson
Skíni Stjarnan