Lögreglan á höfuðborgarsvæðinu mun síðar í dag hefja rannsókn á fögnuði karlaliðs Íslandsmeistara Vals á föstudagskvöld og fögnuði Leiknismanna sem komust upp í efstu deild þegar Íslandsmótið í knattspyrnu var blásið af þann sama dag.
Fréttablaðið segir frá en Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu segir frá því. Rannsóknin snýst um brot á sóttvarnarreglum á föstudag.
Meira:
Kampavínið flæddi út um allt þegar Breiðhyltingar brutu sóttvarnareglur í gær – Sjáðu myndskeiðið
KSÍ tók þá ákvörðun á föstudag að blása Íslandsmót sín af vegna COVID-19, sambandið tali ekki gjörlegt að halda leik áfram eftir krefjandi sumar með veiruna hangandi yfir sér.
Harðar takmarkanir í landinu urðu til þess að ekki var og verður næstu vikurnar hægt að spila fótbolta. Valsmenn fögnuðu Íslandsmeistaratitli sínum á Hlíðarenda á föstudag og virtust þar brjóta ansi margar af þreim reglum sem þá voru í gldi en reglur voru hertar á laugardag.
Sömu sögu var að segja úr félagsheimili Leiknis þar sem leikmenn og starfsmenn liðsins létu kampavínið flæða um og virtust brjóta sömu reglur og Valsmenn. Bæði þessi mál fara til rannsóknar í dag.
Meira:
Reglur um samkomutakmarkanir mölbrotnar á Hlíðarenda í gær – Sjáðu myndskeiðið