Ensk götublöð segja frá því að Sean Dyche stjóri Burnley sé með klásúlu í samningi sínum sem gæti fært honum stórar upphæðir á næstunni.
Ef leikmaður úr unglingastarfi Burnley er seldur frá félaginu fær Dyche 5 prósent af kaupverðinu í sinn vasa.
Stærri félög hafa sýnt kantmanninum Dwight McNeill áhuga en Burnley hefur viljað fá um 40 milljónir punda fyrir hann. Dyche fengi þá vel yfir 300 milljónir íslenskra króna í sinn vasa.
Ekkert ólöglegt er við svona klásúlu í samningi stjóra þrátt fyrir að fáir stjórar fái svona klásúlu í samning sinn.
Dyche hefur stýrt Burnley um langt skeið og unnið kraftaverk með félagið þar sem Jóhann Berg Guðmundsson er á meðal leikmanna.
