Samningur Erik Hamren sem landsliðsþjálfara Íslands er á enda á næstu dögum eftir að íslenska landsliðinu mistókst að komast inn á Evrópumótið í knattspyrnu. Óvíst er hvort KSÍ muni setjast niður með Hamren og bjóða honum að halda áfram með liðið.
Hamren hefur gert ágætis hluti með íslenska landsliðið en féll á stóra prófinu í gær, eftir að hafa komist inn á tvö stórmót í röð voru gerðar væntingar til þess að liðið kæmist inn á Evrópumótið. Hamren tók við íslenska liðinu eftir Heimsmeistarmótið 2018.
Möguleiki er á því að Guðni Bergsson og stjórn KSÍ skoði aðra kosti en Hamren hefur unnið við erfiðar aðstæður, lykilmenn hafa verið heilsulausir eins og sást á vellinum í gær.
Ef stjórn KSÍ ákveður að fara í breytingar eru hér fimm aðilar sem gætu fengið boð um að taka starfið að sér.
Er þessa dagana sterklega orðaður við starfið en Arnar er í dag þjálfari U21 árs landsliðsins og yfirmaður knattspyrnumála hjá KSÍ. Hafði þjálfað í Belgíu áður en hann tók til starfa hjá KSÍ, gæti komið til greina ef horft er til þjálfara hér heima.
Solbakken var rekinn úr starfi hjá FCK í síðasta mánuði og hann gæti verið til í að reyna fyrir sér með landsliðið. Gerði gott mót hjá FCK en hefur einnig þjálfað Wolves og Köln.
Nafnið sem er oftast nefnt til sögunnar þegar eftirmaður Erik Hamren er ræddur, hefur spilað flesta landsleiki fyrir hönd Íslands og hefur náð góðum árangri í þjálfun hjá KR.
Sá íslenski þjálfari sem hefur mesta reynslu í Evrópukeppnum gæti verið kostur fyrir KSÍ að skoða, sigurvegari af guðs náð.
Fékk ekki að halda áfram með danska landsliðið þrátt fyrir góðan árangur, leikstíll Hareide gæti hentað íslenska landsliðsins. 67 ára með mikla reynslu.