Paul Pogba miðjumaður Manchester United segir að það sé draumur sinn að leika fyrir Real Madrid og að Manchester United hafi ekki viðrað það við hann að skrifa undir nýjan samning.

Pogba á tæp tvö ár eftir af samningi sínum við United en hann hefur reglulega stigið fram og sagt frá því að hann vilji fara.

Ekkert heyrðist um það í sumar enda bæði Real Madrid og Juventus sem hafa sýnt áhuga ekki að taka upp veskið. „Það vilja allir leikmenn spila fyrir Real Madrid. Það er draumur minn, af hverju ekki einn daginn?,“ sagði Pogba í viðtali við franska fjölmiðla.

„Ég er í Manchester núna og elska félagið. Ég nýt þess og vil koma félaginu aftur á þann stað þar sem það á heima. Ég mun gefa allt í það.“

„Það hefur enginn rætt við mig um nýjan samning, ég hef ekki rætt við Ed Woodward. Við höfum ekki rætt nýjan samning. Ég tel að það augnablik komi, þegar félagið vill setjast niður með mér. Það hefur hingað til ekki gerst.“