Hörður Björgvin Magnússon spilaði allan leikinn í 0-0 jafntefli þegar lið hans CSKA Moskva tók á móti Dinamo Zagreb í Evrópudeildinni.
Þetta var annar leikurinn í riðlakeppninni og jafnframt annað jafntefli CSKA Moskva. Arnór Sigurðsson kom inn á á 75. mínútu.
Fjöldi leikja er á dagskrá í Evrópudeildinni í kvöld. Þrír Íslendingar hefja leik klukkan 20:00.
Sverrir Ingi Ingason er í byrjunarliði PAOK sem mætir Granada. Albert Guðmundsson er í byrjunarliði AZ Alkmar sem tekur á móti Rijeka. Rúnar Alex Rúnarsson er í byrjunarliði Arsenal í fyrsta skipti. Arsenal tekur á móti Dundalk.
CSKA Moskva 0 – 0 Dinamo Zagreb