Hætt hefur verið við vináttulandsleik á milli Englands og Þýskalands vegna Covid-19 smits. Smitið kom upp hjá starfsmanni enska liðsins samkvæmt heimildum BBC.

Enska liðið var saman við æfingar í vikunni og átti leikurinn við Þýskaland að fara fram á þriðjudaginn. Eftir að smitið kom upp var leiknum aflýst og æfingum landsliðsins hætt.

Phil Neville landsliðsþjálfari Englands segir að þau vilji ekki taka séns á því að einhver í hópnum greinist smitaður í Þýskalandi. Ef það myndi gerast þyrfti viðkomandi að vera í einangrun í þýskalandi í 14 daga samkvæmt reglum þar í landi.

Evrópumeistaramót kvenna átti að fara fram á Englandi næsta sumar. Mótinu var frestað um ár vegna Covid-19.